وبعدين بقي إيه أخرت اللي انا فيه ده ساعات بحس إني مش فاهمه حاجة وساعات بحس إني فاهمة كل حاجة وساعات بحس إني مش عايزة أفهم اي حاجة وأفضل كده أحسن وأريح من وجع الدماغ, عقلي تعب من كتر التفكير في كل حاجه وفي محاولة تفسير مواقف ساعات كتير مبيكنلهاش أي تفسير وأقعد أسرح وأطير بأحلامي وفي النهاية وكالعادة بقع من فوق علي جدور رقابتي , بس برضوا ومع كل ده مش هقدر أبطل تفكير لأني ببساطة لسه بتنفس لسه عايشة وعقلي لسه شغال, ساعات كتير بتمني أني أغيب عن الدنيا وأرجع بعدها ألاقي كل حاجه أتغيرت وألاقي تفسير للحاجات اللي نفسي أفهمها بس ده أكيد مش هيحصل لأني يوم مهغيب عن الوعي هكون خلاص بجد سبت الدنيا كلها بكل همومها وأحزنها ومشاكلها وروحت مكان تاني خالص مكان مفيهوش تفكير ولا تعب ولا حقد ولا كره مكان جميل أوووي ونضيف أووي كان نفسي أشوفه في الدنيا.
ليست هناك تعليقات:
إرسال تعليق